बैंकिङ्ग समाचार, काठमाडौं ।
जनउत्थान सामुदायिक लघुवित्त वित्तीय संस्था लिमिटेडले संस्थापकतर्फको ३६ हजार कित्ता शेयर सर्वसाधारणमा जारी गरेको छ । संस्थाले संस्थापक समुहका ४ जना संस्थापकको नाममा रहेको उक्त शेयर बिक्रीमा ल्याएको हो ।

कम्पनीले संस्थापक शेयरधनी प्रेम कुमार बरालको नाममा रहेको ६ हजार कित्ता, डा. मान बहादुर बिकेको नाममा रहेको १० हजार कित्ता, माधव प्रसाद नेपालको नाममा रहेको १० हजार कित्ता र यज्ञ विक्रम शाहीको नाममा रहेको १० हजार कित्ता गरी कुल ३६ हजार कित्ता शेयर विक्री खुला गरेको हो ।

उक्त शेयर खरिद गर्न इच्छुक संस्थापक शेयरधनीहरु लगायत अन्य जोकोही व्यक्तिहरुले संस्थाको केन्द्रीय कार्यालय बुटवल–१०, कालिकानगर, रूपन्देहीमा आगामी ३५ दिनभित्र आवेदन पेस गर्न सक्नेछन् । इच्छुक खरीदकर्ताहरूले आवेदन पेस गर्दा खरीद गर्न चाहेको शेयर संख्यासमेत खुलाउन कम्पनीले भनेको छ ।

यसअघि विद्यमान संस्थापक शेयरधनीहरूले मात्र खरीद गर्न पाउने गरी विक्री खुला गर्दा वितरण हुन नसकेपछि कम्पनीले सर्वसाधारणमा यो शेयर विक्री गर्न लागेको हो ।