बैंकिङ्ग समाचार, काठमाडौं ।
कुमारी क्यापिटलको प्रमुख कार्यकारी अधिकृत (सीईओ) मा पुष्प शर्मा नियुक्त भएका छन् । कम्पनीको असार ३१ गते आइतवार बसेको सञ्चालक समितिको ५८ औँ बैठकले क्यापिटलको प्रमुख कार्यकारी अधिकृतको रुपमा पुष्प शर्मालाई साउन १ गतेदेखि लागू हुने गरी नियुक्त गरेको हो ।

यस अघि शर्माले क्यापिटलमा कायम मुकायम प्रमुख कार्यकारी अधिकृत जिम्मेवारी सम्हाल्दै आएका थिए । बैंकिङ्ग तथा वित्तीय क्षेत्रमा १३ बर्ष भन्दा बढीको कार्य अनुभव सँगालेका शर्मा स्रोत तथा साधनको उच्चतम् परिचालन तथा व्यवस्थापन गर्न सक्ने एक कुशल नेतृत्वको रुपमा मानिन्छन् । उनी कुमारी क्यापिटलमा आबद्  हुनुपुर्व नेपाल एसबिआई मर्चेण्ट बैंकिङ्गमा प्रमुख वित्त अधिकृत तथा निमित्त प्रमुख सञ्चालन अधिकृतको रुपमा कार्यरत रहेका थिए ।