बैंकिङ्ग समाचार, काठमाडौं ।
हिमालयन बैंकले २१ लाख ८६ हजार ५७५ कित्ता शेयर बिक्री गर्ने भएको छ । बैंकका संस्थापक शेयरधनीहरुले आफ्नो नाममा रहेको शेयर बिक्रीको लागि आवेदन दिएपश्चात बैंकले विद्यमान संस्थापक शेयरधनीहरूले मात्र खरीद गर्न पाउने गरी उक्त शेयर विक्रीमा ल्याएको हो । 

उक्त शेयर खरिद गर्न इच्छुक विद्यमान संस्थापक शेयरधनीहरुले सूचना प्रकाशित भएको मितिले ३५ दिन भित्र बैंकको केन्द्रिय कार्यालय कमलादी काठमाडौंमा आवेदन दिन सक्नेछन् ।

बैंकले तोकेको मितिमा संस्थापक शेयरधनीहरु कुनै निवेदन प्राप्त नभएमा प्रचलित कानून बमोजिम उक्त शेयर अन्य संस्था वा व्यक्तिलाई बिक्री प्रक्रिया अगाडि बढाइने छ ।