बैंकिङ्ग समाचार, काठमाडौं ।
यो साताको सुरुवातदेखि नै नेपाल स्टक एक्सचेञ्ज (नेप्से)मा निरन्तर वृद्धि भइरहेको छ । साताको कारोबारको चाथोे दिन पनि आज बुधबार नेप्सेमा उच्च अंकको वृद्धि भएको छ ।  

आज नेप्से ५६.०६ अंकले बढेर २ हजार ३ सय ६९ दशमलव ०६ विन्दुमा पुगेको छ । त्यस्तै, आज कारोबार रकममा पनि वृद्धि भएको छ । आज २ अर्ब १६ करोड ३९ लाख रुपैयाँ बराबरको कारोबार भएको छ । मंगलबार १ अर्ब ३५ करोड ६६ लाख रुपैयाँ बराबरको कारोबार भएको थियो ।   

आज कारोबार भएका १९२ कम्पनीको शेयरमूल्य बढेको छ भने २ कम्पनीकोे शेयरमूल्य घटेको छ । यसमध्ये पनि १३ कम्पनीको शेयरमूल्यमा उच्च वृद्धि भएको छ । आज नेपाल फाइनान्स, नेशनल हाइड्रो, सिनर्जी पावर डेभलपमेन्ट, राद्यी विद्युत कम्पनी, युनिभर्सल पावर कम्पनी र जाल्पा सामुदायिक लघुवित्त वित्तीय संस्थाको शेयरमूल्यमा उच्च वृद्धि भएको छ । यी कम्पनीको शेयरमूल्य आज १० प्रतिशतले बढेको छ । 

त्यस्तै, आज गणपति लघुवित्त वित्तीय संस्था, युनियन हाइड्रोपावर, बरुण हाइड्रोपावर कम्पनी, इमर्जीङ नेपाल, अरुण काबेली पावर कम्पनी र पाँचथर पावर कम्पनीको पनि शेयरमूल्यमा उच्च वृद्धि भएको छ । यी कम्पनीको शेयरमूल्य आज ९ प्रतिशत भन्दा बढीले बढेको छ ।  

कारोबारको आधारमा आज सबैभन्दा बढी अरुण भ्याली हाइड्रोपावर डेभलेपमेन्ट कम्पनीको भएको छ । यस कम्पनीको आज १० करोड ५९ लाख भन्दा बढीको कारोबार भएको छ ।