बैंकिङ्ग समाचार, काठमाडौं ।
साना कम्पनीहरुको शेयर कारोबारका लागि नेपाल स्टक एक्सचेञ्जले एसएमई प्ल्याटर्फम बनाउने भएको छ ।

नेप्सेका प्रमुख कार्यकारी अधिकृत कृष्णबहादुर कार्कीले परिपक्क पूँजी बजार सम्मेलनमा एसएमई प्ल्याटर्फम बनाउन कार्यदल बनाएर छिटै अगाडि बढाउने तयारीमा रहेको बताए । "एसएमई प्ल्याटर्फको लागि कानुनी रुपमा के गर्नुपर्छ, टेक्नोलोजीमा के के गर्नुपर्छ, प्रकृया के के हुन यी कुराहरुको अध्ययन गरेर एक कार्यदल बनाएर छिटै अगाडि बढाउने छौ ।" उनले भने ।

अहिले पूँजीबजारमा सेक्युरिटी ट्रेडिङमात्रै गर्न सकिने अवस्था रहेकोमा सेकुरेटी ट्रेडिङ मात्र नभएर अन्य औजारहरुलाई पनि अगाडि बढाउनुपर्ने बताए ।

यस्तै उनले ब्रोकरको संख्यामा पुनरावलोकन गर्नुपर्ने आवश्यक रहेको समेत बताए । उनले अहिले युवाहरु पूँजीबजारप्रति आकर्षित भएका बताए ।