बैंकिङ्ग समाचार, काठमाडौं । 
कामना सेवा विकास बैंकले गत आर्थिक वर्षको मुनाफाबाट वितरण गर्ने लाभांश घोषणा गरेको छ ।

बैंक संचालक समितिको बिहीबारको बैठकले आर्थिक वर्ष २०७७–७८ को नाफाबाट १९.४७% लाभांश दिने प्रस्ताव गरेको छ ।

बैंकले १८.५०% बोनस र कर प्रयोजनको लागि ०.९७% नगद लाभांश वितरण गर्ने घोषणा गरेको हो ।

नेपाल राष्ट्र बैंकको स्वीकृतीपश्चात र बैंकको आगामी वार्षिक साधारण सभाले अनुमोदन गरेपछि मात्र शेयरधनीले शेयर पाउनेछन् ।

बैंकले गत वर्ष यसले ४.४% बोनस र कर तिर्न ०.२३% नगद लाभांश वितरण गरेको थियो ।