गोरखा पुगेर अर्थमन्त्री जनार्दन शर्माले भनेः अब बैंकको ब्याजदर घटाउन लागिपर्छु 

बैंकिङ्ग समाचार, पालुङ्गटारर, गोरखा। 
पालुङ्गटार पुगेर अर्थमन्त्री जनार्दन शर्माले बैंकहरुमा बढिरहेको ब्याजदर घटाउन आफुले पहल गर्ने प्रतिवद्धता व्यक्त गरेका छन । दोस्रो लिगलिग पालुङ्टार महोत्सव उद्घाटनका लागि 
बुधबार गोरखाको पालुङ्गटार पुगेका अर्थमन्त्री जनार्दन शर्माले यस्तो आसवासन दिएका हुन । 

ब्यादरका सन्दर्भमा बोल्दै उनले भने, ‘सरकारले लिएको राम्रो आर्थिक नीतिका कारण अहिले नेपालका  आर्थिक सुचाङकहरु सकरात्मक अवस्थामा पुगेका छन ।  केही तरलताको अभाव अझै कायम रहेको र  यसमा सरकारले काम गरिरहेको छ । बैँकमा व्याज पाउने उदेश्यले पैसा थुपारेर उत्पादन हुँदैन । बैंकले दिने गरेको ब्याज घटाउन सरकार  लागि परेको छ ।’

उनले नागरिकहरुलाइ आत्मनिर्भर बनाउन सरकारले सक्दो प्रयास गर्ने बताए । अर्थमन्त्री जनार्दन शर्माले इतिहास र बर्तमानमा राजनैतिक उचाइ हासिल गरेको गोरखा जिल्लाले यतिबेला विकास निर्माण  र समृद्धिको सन्दर्भमा न्याय खोजेको बताए । त्यसको लागि एतिहासिक लिगलिगकोट र आधुनिक पालुङ्टारलाइ जोडेर राजनैतिक इतिहास सहितको पर्यटन विकासलाइ अगाडि बढाउनुपर्ने बताए । 

पालुङ्टारलाइ सुचनाप्रबिधिमा अघि बढाइ स्मार्ट सिटि बनाउनुपर्ने भन्दै  सँघीय सरकार र अर्थमन्त्रालयबाट यसकोलागि सम्पूर्ण सहयोग  हुने उनले बताए । उनले भने ‘स्मार्ट सिटिमा गरिबि र अभाव भन्ने कुरा हुँदैन। पालुङ्गटारले त्यो समृद्दिको उचाइ पनि हासिल गर्नेछ।’ उनले अहिले देशलाई उत्पादनसँग जोडेर आयातित वस्तुलाइ विस्थापन गर्नुपर्नेमा पनि जोड दिए । 

उनले देशमा एउटा पनि मल कारखाना नभएको र जापानिज कम्पनीले मल कारखाना खोल्न चासो राखेकाले भूगोल र विद्युत आपुर्तीका कारणले आफूले पालुङटारलाई सिफारिस गरेको उनले बताए ।