बैंकिङ्ग समाचार, काठमाडौं ।
नेपाल राष्ट्र बैंकको डेपुटी गभर्नर बम बहादुर मिश्रले नेपालमा तरलताको अभाव नभएको बताएका छन । शुक्रबार नेपाल उद्योग परिसंघले आयोजना गरेको पूर्वाधार सम्मेलनमा बोलदै उनले नेपालमा तरलता अभाव नभई लगानीयोग्य पुँजीको अभाव भएको बताएका हुन । कार्यक्रममा सबैलाई तरलताको अभाव भन्दै गलत सूचना प्रवाह नगर्न आग्रह गर्दै उनले भने, ‘ अहिले नेपालमा तरलता अभाव भन्दा पनि लगानीयोग्य पुँजीको अभाव हो, हामी ठूलो फोरममा छौं, तरलता अभाव भन्दै गर्दा अन्तर्राष्ट्रिय रुपमा गलत सूचना प्रवाह हुन्छ । यसो नगर्नुस ।’  

यस्तै, उनले हेजिङको व्यवस्थाप्रति राष्ट्र बैंक सकारात्मक भएको बताउँदै उनले सरकारले केही निश्चित सीमा व्यहोर्ने किसिमले हेजिङको व्यवस्था गर्नु पर्ने धारणा राखे ।

उनले लगानीकर्तालाई बस्ने, बस्ने र निस्कने वातावरण पनि सहज गराउनु पर्ने र लगानीकर्तालाई अनेक दुख दिने काम गर्यो भने देशमा लगानीको वातावरण नबन्ने बताए । त्यसका लागि सरकारले सहज वातावरणको सिर्जना गर्नु पर्ने उनले बताए ।