काठमाडौं – नेपाल स्टक एक्सचेञ्ज (नेप्से)मा कारोबार सुरु भएको दोस्रो दिन पनि गार्डियन माइक्रोलाइफको शेयर मूल्यमा सर्किट लागेको छ । नेप्सेका अनुसार आज दोस्रो दिन पनि सर्किट लागेर कारोबार समय अगावै कम्पनीको शेयर कारोबार रोकिएको हो ।

गार्डियन माइक्रो लाइफको शेयर आइतबारदेखि कारोबार सुरु भएको थियो । सुरुमा ३०१ रुपैयाँ प्रतिकित्तामा कारोबार सुरु भएको यो कम्पनीको शेयर हिजो (आइतबार) १० प्रतिशत बढेर ३३१ रुपैयाँ पुगेको थियो ।

आजपनि १० प्रतिशत अर्थात ३३ रुपैयाँ बढेर कम्पनीको शेयर मूल्य प्रतिकित्ता ३६४ रुपैयाँ पुगेको छ । कारोबार सुरु भएको दुई दिनमा नै कम्पनीको शेयर मूल्य प्रतिकित्ता ६३ रुपैयाँ बढेको छ ।