बैंकिङ्ग समाचार, काठमाडौं ।
एनआईबिएल एस क्यापिटलले आफ्ना सामुहिक लगानी कोष योजनाहरुको लाभांश घोषणा गरेको छ। योजना ब्यबस्थापक एनआईबिएल एस क्यापिटलको बिहिबार बसेको संचालक समितिको बैठकले आर्थिक वर्ष ७७/७८ को लागि वितरण गरिने लाभांश घोषणा गरेको हो ।

जस अनुसार एनआईबिएल प्रगति फण्डले ५० प्रतिशतले हुन आउने ३७ करोड ५० लाख बराबरको नगद लाभांश, एनआईबिएल समृद्धि फण्ड १ ले ३५ प्रतिशतले हुन् आउने ३५ करोड बराबरको र एनआईबिएल सहभागिता फण्डले ५० प्रतिशत नगद लाभांश वितरण गर्ने भएको छ ।

यो सबै योजना एनआईबिएल म्युचुअल फण्ड अन्तर्गत संचलित योजना हुन् । जस मध्ये सहभागिता फण्ड खुला मुखी योजना हो । यसको लाभांश पुन: लगानी गर्न सकिने क्यापिटलले जनाएको छ ।