चेक अनादर मुद्दामा ५६ लाख बिगो तोकिएका मोहन बहादुर गुरुङ पक्राउ 

काठमाडौं – चेक अनादर मुद्दामा फरार एक  जनालाई प्रहरीले पक्राउ गरेको छ । पक्राउ पर्नेमा स्याङजाको वालिङ नगरपालिका वडा– ४ घर भई हाल ललितपुरको गोदावरी नगरपालिका– १४ ठैव बस्ने  मोहन बहादुर गुरुङ रहेका छन् । 

गुरुङमाथि अदालतले चेक अनादर मुद्दामा २ वर्ष  कैद र ५६ लाख जरिवाना हुने फैसला गरेको थियो । जिल्ला प्रहरी परिसर ललितपुरबाट खटिइएको प्रहरी टोलीले गोप्य सूचनाको आधारमा उनलाई पक्राउ गरी फैसला कार्यान्वयनको लागि अदालतमा पेश गरिएको छ ।