२ करोड ६९ लाख बराबरको ७ हजार ७ सय थान भेपसहित राम कुमार फन्दामा 

काठमाडौं – प्रहरीले तातोपानीबाट बाह्रबिसेतर्फ आउँदै गरेको बोलेरो गाडीमा लुकाई छिपाई अवैध रूपमा ल्याउँदै गरेको विभिन्न ब्राण्डका भेप (विद्युतीय चुरोट) सहित एक जनालाई पक्राउ गरेको छ। पक्राउ पर्नेमा सिन्धुपाल्चोकको जुगल गाउँपालिका– ४ बस्ने राम कुमार श्रेष्ठ रहेका छन्। 

इलाका प्रहरी कार्यालय बाह्रबिसेबाट प्रहरी निरीक्षकको कमान्डमा खटिएको प्रहरी टोलीले गोप्य सूचनाको आधारमा उनलाई ७ हजार ७ सय थान भेपसहित पक्राउ गरेको हो। प्रहरीले उनको साथबाट २ करोड ६९ लाख बराबरको ७ हजार सय थान भेप र भेप ल्याएको १५ लाखको बोलेरो गाडी बरामद गरेको छ। 

उनलाई नियन्त्रणमा लिई थप अनुसन्धान तथा आवश्यक कानुनी कारबाहीका लागि तातोपानी भन्सार कार्यालय सिन्धुपाल्चोकमा बुझाइएको प्रहरीले जनाएको छ।