चेक अनादर मुद्दाका चार फरार प्रतिवादी पक्राउ 

काठमाडौं – चेक अनादर मुद्दाका फरार चार जना प्रतिवादीलाई प्रहरीले पक्राउ गरेको छ। पक्राउ पर्नेमा रुपन्देहीका दिपक भण्डारी, बरगत ओली, धर्मराज भण्डारी र अर्घाखाचीका सुर्य बहादुर केसी रहेका छन्। 

उनीहरूलाई रुपन्देही जिल्ला अदालतले चेक अनादर मुद्दामा जरिवाना फैसला गरेको थियो। जसमा दिपक भण्डारी र धर्मराज भण्डारीलाई २ हजार, बरगत ओलीलाई तीन हजार र केसीलाई १ हजार ५ सय जरिवाना फैसला भएको प्रहरीले जनाएको छ। 

जिल्ला प्रहरी कार्यालय रुपन्देही तथा मातहत कार्यालय समेतबाट खटिएको संयुक्त प्रहरी टोलीले उनीहरूलाई पक्राउ गरेको हो। उनीहरूलाई पक्राउ गरी रुपन्देही जिल्ला अदालत पेश गरिएको प्रहरीले जनाएको छ।