रोजगारीको लागि विभिन्न देशहरूमा पठाइदिन्छु भन्दै ४८ लाख ठग्ने तीन जना पक्राउ 


काठमाडौं – बेरोजगार युवायुवतीहरूलाई आकर्षक तलबको प्रलोभनमा पारी रोजगारीका लागि विभिन्न देशहरूमा लैजाने भन्दै ठगी गर्ने तीन जनालाई प्रहरीले पक्राउ गरेको छ। पक्राउ पर्नेमा उदयपुरका विष्णु बुढाथोकी, काठमाडौंकी सुस्मिता महर्जन र मकवानपुरका शक्ति लामा रहेका छन्। 

प्रहरीका अनुसार बुढाथोकीले ब्रुनाई पठाइदिन्छु भन्दै ४ लाख ५० हजार, महर्जनले अष्ट्रिया पठाइदिन्छु भन्दै १७ लाख र लामाले अजरवैजान र फिजी पठाइदिन्छु भन्दै ६ जना बाट २६ लाख ६३ हजार ठगी गरेको प्रहरीले बताएको छ। साथै, लामाको इलाका प्रहरी कार्यालय तुल्सीपुर दाङमा बैंकिङ्ग कसुरमा ५ लाख बिगो रहेको मुद्दा रहेको पाइएको छ। 

उनीहरूलाई काठमाडौं उपत्यकाका विभिन्न स्थानहरूबाट पक्राउ गरी थप अनुसन्धान तथा आवश्यक कारबाहीको लागि वैदेशिक रोजगार विभाग ताहाचल, काठमाडौंमा पठाइएको  प्रहरीले जनाएको छ।

Skip This