बैंकिङ्ग समाचार, काठमाडौं ।
खप्तड लघुवित्त वित्तीय संस्थाको आईपीओ भोलि सोमवार अर्थात भदौ २० गते बाँडफाँट हुने भएको छ । बिक्री प्रबन्धक प्रभु क्यापिटलका अनुसार आईपीओको प्रि अलोटमेन्ट बिहीबार सम्पन्न गरी सोमबार आफ्नै कार्यालय कमलादीमा भाेली सोमबार बिहान १० बजे आइपीओ बाँडफाँट गर्ने जानकारी गराएको हो ।

कम्पनीले भदौ ८ गतेबाट १२ गतेसम्म १ करोड ३२ लाख रुपैयाँ बराबरको कुल १ लाख ३२ हजार कित्ता आईपीओ निष्कासन गरेको थियो । जसमध्ये ६ हजार ६०० कित्ता सामूहिक लगानी कोष र २ हजार कित्ता शेयर कर्मचारीहरुका लागि छुट्याइएको थियो ।

सीडीएस एन्ड क्लियरिङको तथ्यांक अनुसार  भदौ १२ गतेसम्ममा १८ लाख ५० हजार १३२ जना आवेदकले २ करोड ४ लाख २२ हजार ४०० कित्ताका लागि आवेदन दिएका थिए । लघुवित्तको आईपीओमा माग भन्दा बढी आवेदन परेकोले धितोपत्र निष्काशन तथा बाँडफाँट निर्देशिका अनुसार गोलाप्रथाका माध्यमबाट न्युनतम १० कित्ताको दरले शेयर वितरण हुनेछ । त्यस अनुसार १२ हजार ३४० जना आवेदकले मात्रै शेयर पाउनेछन् । बाँकी १८ लाख ३७ हजार बढि आवेदकको हात खाली हुनेछ ।

हाल लघुवित्तको चुक्ता पूँजी २ करोड ६८ लाख रुपैयाँ छ । आईपीओ बाँडफाँट पश्चात लघुवित्तको चुक्ता पूँजी ४ करोड रुपैयाँ पुग्नेछ ।