बैंकिङ्ग कसुर मुद्दामा ३ जना फरार प्रतिवादीहरू पक्राउ

काठमाडौं – बैंकिङ्ग कसुर मुद्दाका फरार तीन जना प्रतिवादीहरूलाई प्रहरीले पक्राउ गरेको छ। पक्राउ पर्नेमा सुनसरीका सुन्दर मान राई, ललितपुरका शुसान्त विष्ट र दोलखाका बैकुण्ठे घतानी रहेका छन्। 

राईमाथि चेक अनादर मुद्दामा २ वर्ष कैद, विष्टमाथि बैंकिङ्ग कसुर मुद्दामा १ वर्ष ६ महिना कैद र  घतानीमाथि  बैकिङ्ग कसुर मुद्दामा १ वर्ष कैद सजाय तोकिएपछि फरार रहेको प्रहरीले जनाएको छ। 

जिल्ला प्रहरी परिसर ललितपुरबाट खटिइएको प्रहरी टोलीले गोप्य सूचनाको आधारमा पक्राउ गरी फैसला कार्यान्वयनको लागि जिल्ला अदालत ललितपुरमा पेश गरिएको छ।