रसुवाको गोसाईंकुण्डबाट ७ केजी ६५३ ग्राम सुन बरामद 

काठमाडौं– रसुवाबाट काठमाडौं ल्याउँदै गरेको ७ केजी ६५३ ग्राम सुन प्रहरीले बरामद गरेको छ ।  काठमाडौंतर्फ आउँदै गरेको बा४६६२०१ गाडी नम्बर भएको गाडीको स्याउको डिब्बामा चालक सिटको ढोकामा फल्स बटम बनाएर ल्याउँदै गरेको अवस्थामा रसुवा जिल्ला प्रहरीले साे सुन बरामद गरेकाे हाे ।

गोसाईंकुण्ड गाउँपालिका वडा नम्बर २ बाट सो सुन बरामद गरिएकाे रसुवा जिल्ला प्रहरी प्रवक्ताले बैंकिङ्ग समाचारलाई  बताए। उक्त गाडीको चालक गोसाईंकुण्ड गाउँपालिका वडा नम्बर ५ घर भएका २५ वर्षीय किशोर कुमार भुजेललाई पक्राउ गरी थप अनुसन्धान गरिँदै गरिएको उनले बताए ।