काठमाडौं । झापाको बुधबारे मूल घर भएकी विमला देवी गोयलको ८१ वर्षको उमेरमा शुक्रबार, २३ अक्टोबर २०२६ मा निधन भएको छ। उनी गोयल ग्रुपका अध्यक्ष, वरिष्ठ उद्योगी एवं समाजसेवी कैलाशचन्द्र गोयलकी आमा तथा स्वर्गीय ओमप्रकाश गोयलकी धर्मपत्नी हुन्।
स्वर्गीय ओमप्रकाश गोयल उद्योग तथा व्यवसायसँगै सामाजिक र परोपकारी कार्यमा उल्लेखनीय योगदान पुर्याउने व्यक्तित्वका रूपमा परिचित थिइन्। उनी नेपालमा पहिलोपटक एम्बुलेन्स दान गर्ने व्यक्तिका रूपमा स्मरण गरिन्छिन्। समाजसेवामा पुर्याएको योगदानको कदरस्वरूप उनलाई मरणोपरान्त ‘प्रबल जनसेवाश्री’ पदकबाट सम्मानित गरिएको थियो।
साथै, नेपाल सरकारले उनको सम्मानमा सन् २०२५ मा १० रुपैयाँको हुलाक टिकटसमेत प्रकाशन गरेको थियो। यी सामाजिक तथा परोपकारी कार्यमा विमला देवी गोयल उनकी जीवनसंगिनीका रूपमा सधैँ साथमा थिइन्। उनले पारिवारिक जीवनमा साथ दिनुका साथै स्वर्गीय ओमप्रकाश गोयलका सामाजिक कार्य तथा सेवामूलक यात्रामा सहयात्रीको भूमिका निर्वाह गरेकी थिइन्।
स्वर्गीय विमला देवी गोयलका तीन छोरा र एक छोरी छन्। उनका नातिहरूमा अनुराग गोयल र चिराग गोयलसहित परिवारका अन्य नातिनातिना तथा सदस्यहरू छन्। उनको निधनले गोयल परिवार, आफन्तजन तथा शुभेच्छुकहरूमा अपूरणीय क्षति पुगेको परिवारले जनाएको छ।
About Us
प्रतिक्रिया