बैंकिङ्ग समाचार, काठमाडौं ।
नेपाल स्टक एक्सचेञ्ज (नेप्से)मा साताको कारोबारको अन्तिम दिन आज बिहिबार झिनो अंकको सुधार देखिएको छ । आज नेप्से ४.९४ अंकले बढेर २ हजार ३ सय २५ दशमलब ४५ विन्दुमा रोकिएको हो । बुधबार नेप्से ३६.७३ अंकले घटेर २ हजार ३ सय २० दशमलब ५१ विन्दुमा बन्द भएको थियो । 

त्यस्तै, आज कारोबार रकममा पनि सामान्य सुधार भएको छ । आज नेप्सेमा १ अर्ब ६२ करोड ९१ लाख रुपैयाँ बराबरको कारोबार भएको छ । बुधबार नेप्सेमा १ अर्ब ४५ करोड ८७ लाख रुपैयाँ बराबरको कारोबार भएको थियो ।

आज कारोबार भएका १०० कम्पनीको शेयरमूल्य बढेको छ भने ८६ कम्पनीकोे शेयरमूल्य घटेको छ । यसमध्ये दुई कम्पनीको शेयरमूल्यमा भने उच्च वृद्धि भएको छ । आज जाल्पा सामुदायिक लघुवित्त वित्तीय संस्था र ग्रीन भेञ्चर लिमिटेडको शेयरमूल्यमा सकारात्मक सर्किट लागेको छ । जाल्पा सामुदायिक लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता ७०९.७० रुपैयाँ पुगेको छ भने ग्रीन भेञ्चर लिमिटेडको शेयरमूल्य प्रतिकित्ता १० प्रतिशतले बढेर प्रतिकित्ता ३६०.८० रुपैयाँ पुगेको छ ।

नेप्सेका अनुसार आज घलेमदी हाइड्रोका लगानीकर्ताहरुले सर्वाधिक गुमाएका छन् । यस कम्पनीको शेयरमूल्य ६ प्रतिशतले घटेको छ ।

त्यस्तै, कारोबारको आधारमा आज सबैभन्दा बढी नेष्डो समृद्ध लघुवित्त वित्तीय संस्थाको भएको छ । यस कम्पनीको आज १० करोड ३६ लाख भन्दा बढीको कारोबार भएको छ ।