काठमाडौं–सूर्योदय वोमी लघुवित्त वित्तीय संस्था लिमिटेडले ६८ हजार ८०५ कित्ता संस्थापक शेयर लिलामीमा राखेको छ । कम्पनीले एनआईसी एशिया बैंकको स्वामित्वमा रहेको उक्त शेयर आजदेखि लिलामीमा राखेको हो ।

हाल विद्यमान संस्थापक शेयरधनीसँगै जो–कोही व्यक्ति, कम्पनी वा संघसंस्थाहरूले खरिद आवेदन दिन पाउने शेयरको न्यूनतम मूल्य प्रतिकित्ता २५० रुपैयाँ तोकिएको छ । खरिदकर्ताले न्यूनतम मूल्य वा सोभन्दा बढी मूल्य खुलाई बोलपत्र पेश गर्नुपर्ने कम्पनीले जनाएको छ ।

वैशाख २१ गते बोलपत्र पेश गर्ने अन्तिम मिति रहेको छ । इच्छुकले कार्यालय समयभित्र बिक्री प्रबन्धक एनआईसी एशिया क्यापिटल लिमिटेड, एनआईसी एशिया बैंकको कर्पोरेट कार्यालयका साथै एनआईसी एशिया बैंकका शाखा कार्यालयहरुमा बोलपत्र पेश गर्नुपर्नेछ ।