काठमाडौं– ग्रामीण विकास लघुवित्तका कर्मचारीविरुद्ध १९ लाख भ्रष्टाचार गरेको आरोपमा मुद्दा दायर भएको छ । संस्थाका वरिष्ठ फिल्ड सहायक उदयकृष्ण अधिकारीले २०६८/६९ देखि सार्वजनिक पदमा रहँदा रु. १९ लाख २ हजार २३७ रुपैयाँ भ्रष्टाचार गरेको भन्दै अख्तियार दुरूपयोग अनुसन्धान आयोगले उनीमाथि मुद्दा दायर गरेको हो ।

अधिकारीमाथि किर्ते (वनावटी) सदस्य बनाई बिना धितो कर्जा दिएको, ऋणीबाट असुली भएको साँवा तथाब्याज रकम असुली नदेखाई जग्गा खरिदमा प्रयोग गरेको र पशु कर्जा/धितो कर्जा दिँदा कमिशन खाएको भन्ने आरोप अख्तिायरको छ । अख्तिायरले भ्रष्टाचार रकम बराबरको बिगो माग दाबी पनि गरेको हो ।