काठमाडौं– सिद्धार्थ प्रिमियर इन्स्योरेन्स कम्पनीले ३० करोड ८७ लाख २० हजार ४८९ रुपैयाँ नगद लाभांश वितरण गर्ने प्रस्ताव अघि सारेको छ ।

कम्पनीको फागुन ३० गते हुने ३०औँ वार्षिक साधारणसभाले लाभांश वितरण गर्ने प्रस्ताव अनुमोदन गर्नेछ । यो आर्थिक वर्ष २०७९/८० का लागि प्रस्तावित चुक्तापुँजीको ११ प्रतिशत करसहित नगद लाभांश हो ।

कम्पनीले लाभांश र वार्षिक साधारणसभा प्रयोजनका लागि फागुन ११ गते बुक क्लोज गरेको थियो । त्यसकारण फागुन १० गतेसम्म कायम शेयरधनीहरुमात्रै कम्पनीको प्रस्तावित लाभांश पाउन र सभामा भाग लिन योग्य हुनेछन्।

सभा काठमाडौंको भगवती बहालस्थित लिसारा रिसेप्सनमा बिहान ११ बजेबाट सुरु हुने कम्पनीले जनाएकोछ।