बैंकिङ्ग समाचार ।

आइतबार र सोमबार शेयर कारोबार नहुने भएको छ। आइतबार महिला दिवस र सोमबार फागुपूर्णिमाको सार्वजनिक विदा रहेकाले अब मंगलबारदेखि मात्र नेपाल स्टक एक्सचेञ्जमा शेयर खरीद बिक्री हुने भएको हो।

महिला कामदारमाथि भएको श्रम शोषणविरुद्ध क्लारा जेट्किनले नारी मुक्ति आन्दोलन थालेको दिनको स्मरणमा यो दिवस विश्वभर महिला दिवस मनाउने प्रचलन छ ।

फागुन २६ गते सोमबार फागुप्रर्णिमा पर्व परेको छ। पहाडि क्षेत्रमा सोमबार नै यो पर्व मनाउने भएकाले सरकारले उपत्यकासहित पहाडी जिल्लामा सोमबार सार्वजनिक बिदा दिएको छ।

निकै उतारचढाबपूर्ण देखिएको शेयर बजार सूचक नेप्से गत बिहीबार ५.५० अंकको सामान्य गिरावटसँगै १ हजार ४३५ दशमलव ७० अंकमा अडिएको छ। अब फागुन २७ गते मंगलबार यहि बिन्दुबाट शेयर कारोबार सुचारु हुनेछ।