बैकिङ्ग समाचार । 

नारायणी डेभलपमेण्ट बैंकले मंगलवारदेखि हकप्रद शेयर निष्कासन गर्ने भएको छ । 

कम्पनीले ६ लाख ५६ हजार १६९ कित्ता हकप्रद शेयर निष्कासन गर्न लागेको हो । उक्त हकप्रद शेयरमा आवेदकले फागुन ३ गतेसम्म आवेदन गर्न सक्नेछन् । गत पुस २८ गतेसम्म कायम शेयरधनीले कम्पनीको हकप्रद शेयरमा आवेदन गर्न सक्नेछन् ।

आफ्नो कायम हकभन्दा बढी कायम हकप्रद शेयरको लागि दरखास्त दिन पाइने छैन । तर साविक शेयरधनीले आफ्नो कायम हकभन्दा कम हकप्रद शेयर खरीद गर्न भने सक्नेछन् । हाल कम्पनीको चुक्तापूँजी रू. ६ करोड ५६ लाख १६ हजार रहेको छ ।

शतप्रतिशत हकप्रद शेयर निष्कासनपछि कम्पनीको चुक्तापूँजी रू. १३ करोड १२ लाख ३३ हजार पुग्नेछ  । धितोपत्र निष्कासन तथा विक्री प्रबन्धकमा ग्लोबल आइएमई क्यापिटल लिमिटेड रहेको छ ।