काठमाडौं – केही दिनयता लगातार बढ्दै नयाँ रेकर्ड कायम राखिएको सुनको मूल्यमा आज (बिहीबार) गिरावट आएको छ । आज सुनको मूल्य तोलामा ७ सय रुपैयाँले घटेर १ लाख ६६ हजार रुपैयाँमा कारोबार भइरहेको छ ।

हिजो सुन तोलामा १ लाख ६६ हजार ७ सय रुपैयाँमा कारोबार भएको थियो । आज चाँदीको मूल्यमा ४० रुपैयाँको गिरावट आएको छ ।

हिजो चाँदी तोलाको २ हजार १ सय ३५ रुपैयाँमा कारोबार भएको थियो । आइतबार र सोमबार सुनको मूल्य छ सय रूपैयाँ, मंगलबार तीन सय रूपैयाँ, बुधबार आठ सय रूपैयाँले बढेको थियो । गत साताको बुधबारदेखि नयाँ रेकर्ड बनाइरहेको सुनको मूल्य आज सामान्य घटेको हो।