काठमाडौं – नेपाली बजारमा आइतबार एकै दिन प्रतितोला १ हजार रुपैयाँले बढ्दै सुनकाे मूल्यले नयाँ रेकर्ड कायम गरेकाे छ।

नेपाल सुनचाँदी व्यवसायी महासंघले आजका लागि सुनको मूल्य प्रतितोला १ लाख ४५ हजार ४ सय रुपैयाँ तोकेको छ । यसअघि जेठ २५ गते १ लाख ४५ हजार रुपैयाँको उच्च मूल्य रेकर्ड बनेकोमा आज सो रेकर्ड तोडिएको छ ।

त्यस्तै, आज चाँदीको मूल्य तोलामा २० रुपैयाँ बढेको छ । शुक्रबार प्रतितोला १ हजार ८७० रहेकोमा आइतबार १ हजार ८९० रुपैयाँ कायम भएको महासंघले जनाएको छ।