काठमाडौं–युनिक नेपाल लघुवित्त वित्तीय संस्था लिमिटेडले करिब डेढ लाख कित्ता शेयर बिक्रीमा राखेको छ । संस्थाले संस्थापक समूह तर्फको १ लाख ४० हजार ५६५ कित्ता शेयर बिक्रीमा राखेको हो।

हाल विद्यमान संस्थापक शेयरधनीहरुका लागि मात्र बिक्रीमा राखिएको सो कित्ता खरिदका लागि ३५ दिनको अवधि तोकिएको संस्थाले जनाएको छ ।

इच्छुक संस्थापक शेयरधनीहरुले तोकिएको समयभित्र संस्थाको केन्द्रीय कार्यालय बाँके, कोहलपुरमा आफूले खरिद गर्न चाहेको शेयर कित्ता र मूल्यसमेत खुलाई आवेदन दिन सक्नेछन्। उक्त समयभित्र संस्थापक शेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थालाई शेयर बिक्री खुला गरिने संस्थाले जनाएको छ।