काठमाडौं,
नेपाल स्टक एक्सचेन्ज नेप्सेको कारोबार प्रणाली ३ दिन बन्द रहने भएको छ।

नेप्सेले आज एक सूचना जारी गर्दै नेप्सेको कारोबार प्रणाली ३ दिन बन्द रहने जानकारी गराएको हो। विद्युत मर्मत तथा सम्भार सम्बन्धी कार्यका लागि बिहीबार साँझ ५ बजे पुस २६ गतेदेखि पुस २८ गते शनिबार राति ११ बजेसम्म नेप्सेको कारोबार प्रणाली बन्द रहने यस एक्सचेन्जले जनाएको हो ।

उक्त अवधिमा पर्न सक्ने असुविधाका लागि नेप्सेले क्षमायाचना गरेको छ। साथै, विद्युतीय प्रणाली अद्यावधिक गर्ने यो कार्यमा सबैको साथ र सहयोगको अपेक्षा नेप्सेले राखेको छ।

नेप्सेले जारी गरेको सूचनामा भनिएको छ,‘ विद्युत मर्मत तथा सम्भार सम्बन्धी कार्यका लागि मिति २०८०।०९।२६ गते बिहीबार साँझ ५ : ०० बजेदेखि मिति २०८०।०९।२८ शनिबार राती ११स्०० बजेसम्म नेप्सेको कारोबार प्रणाली बन्द रहने व्यहोरा सम्बन्धित सबैको जानकारीका लागि अनुरोध छ । विद्युतीय प्रणाली अद्यावधिक गर्ने यस कार्यमा नेप्से यहाँहरु सबैको साथ र सहयोगको अपेक्षा गर्छ । असुविधाका लागि क्षमा प्रार्थी छौ ।’