ट्राफिक कारबाहीबाट २४ घण्टामा २७ लाख बढी राजस्व सङ्कलन

काठमाडौं – पछिल्लो २४ घण्टामा राज्यकोषमा २७ लाख ३६ हजार ५०१ रूपैयाँराजस्व दाखिला भएको छ।ट्राफिक नियम उल्लङ्घनको कारबाहीमा परेका दुई हजार ९३ बाट कारबाहीस्वरुप राजस्व दाखिला भएको हो।

काठमाडौं उपत्यका ट्राफिक प्रहरी कार्यालयका अनुसार मादकपदार्थ सेवन गरेका ९२, नियमविपरीत ‘राइड सेयरिङ’ गरेका १६९, सङ्केत बत्ती उल्लङ्घनकर्ता १४१ र तीव्र गतिमा सवारीसाधन कुदाएका १०१ जनालाई कारबाही गरिएको हो।

यसैगरी, ‘लेन’ अनुशासन पालना नगर्ने ८२, निषेधित क्षेत्रमा हर्न बजाउने ९२, सडक पेटीमा सवारीसाधन पार्किङ गर्ने १०५, एकतर्फी सडकमा सवारी चलाउने १२९ र अन्य सवारी नियम पालना नगरेका एक हजार ९८२ गरी कूल दुई हजार ९३ जनालाई कारबाही गरिएको हो।