जुवातास खेलिरहेको अवस्थामा ९ जना पक्राउ, १ लाख ७९ हजार बरामद 

काठमाडौं – कैलालीको गौरीगंगा नगरपालिका–४ बाट राजिपुर बझाङ्गी टोल बस्ने जगत धामीको घरको बैठक कोठाबाट जुवातास खेलिरहेको अवस्थामा निज धामीसहित ९ जनालाई आइतबार साँझ प्रहरीले पक्राउ गरेको छ। 

जुवातास खेलिरहेका छन् भन्ने विशेष सूचनाको आधारमा जिल्ला प्रहरी कार्यालय कैलाली समेतबाट खटिएको प्रहरीले उनीहरूलाई १ लाख ७९ हजार नगद र ४ गड्डी तास सहित पक्राउ गरेको हो। यस सम्बन्धमा प्रहरीले थप अनुसन्धान गरिरहेको छ।