धनगढीबाट ११ जना जुवाडे पक्राउ, दुई लाख बरामद 

काठमाडौं –  कैलालीको धनगढी– १३ झलारीगाँउबाट  जुवातास खेलिरहेको अवस्थामा ११ जना जुवाडे पक्राउ परेका छन्। प्रहरीले सोही ठाउँ बस्ने  ४२ वर्षीय रामचरण चौधरी समेत ११ जनालाई २ लाख ५ सय नगद सहित पक्राउ गरिएको प्रहरीले जनाएको छ। 

प्रहरीका अनुसार उनीहरूको साथबाट ६ गड्डी तास र ११ थान मोबाइल बरामद गरिएको छ। उनीहरूलाई  प्रहरी कार्यालय धनगढी, कैलालीबाट खटिएको प्रहरी टोलीले पक्राउ गरी  थप अनुसन्धान भइरहेको प्रहरीले जनाएको छ।