कपिलवस्तुबाट ६ जना जुवाडे पक्राउ, २ लाख ५६ हजार रकम बरामद 

काठमाडौं – कपिलवस्तुको वाणगंगा नगरपालिका–१० भावपुरस्थित रोयल सिटी कटेज एण्ड रेष्टुरेन्टबाट जुवा तास खेलिरहेको अवस्थामा रेस्टुरेन्ट सञ्चालक सोही नगरपालिका–१० भावपुर बस्ने ३५ वर्षीय दिनेश थारु समेत ६ जनालाई आइतबार साँझ प्रहरीले पक्राउ गरेको छ।

इलाका प्रहरी कार्यालय पिपराबाट खटिएको प्रहरीले उनीहरूलाई नगद २ लाख ५६ हजार २ सय ९० रुपैयाँ र ३ बुक ताससहित पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ।