बढी धुवाँ फाल्ने ४० वटा सवारी साधनमाथि कारबाही

काठमाडौं – काठमाडौंको थानकोटमा दिउँसो गरिएको प्रदूषण चेकिङका क्रममा मापदण्डभन्दा बढी धुवाँ फाल्ने ४० वटा सवारी साधन कारबाहीमा परेका छन्।

वातावरण विभाग बबरमहल र काठमाडौं  उपत्यका ट्राफिक प्रहरी कार्यालयबाट संयुक्त रूपमा खटिएको टोलीले थानकोटमा ६० वटा सवारी साधनलाई चेक गर्दा मापदण्डभन्दा बढी धुवाँ फाल्ने ४० वटा सवारी साधन कारबाहीमा परेका हुन्। 

मापदण्डभन्दा बढी धुवाँ फाल्ने सवारी साधन चलाउँदा वायु प्रदूषण बढ्न गई मानव स्वास्थ्यमा गम्भीर समस्या हुनुका साथै दुर्घटनाको जोखिम समेत हुने भएकाले सवारी साधनको अवस्था चेक जाँच गरी दुरुस्त अवस्थामा रहेका सवारी साधन मात्र चलाउन सम्पूर्ण चालकहरूलाई अनुरोध छ।