बैंकिङ समाचार,काठमाडौ

उद्योग, वाणिज्य तथा आपूर्ति मन्त्रालय, उद्योग विभागले स्टार्टअप उद्यम कर्जाका लागि परियोजना प्रस्ताव माग गरेको छ ।

सरकारले अघिल्लो साता बनाएको स्टार्टअप उद्यम कर्जा कोष कार्यविधि २०७९ अनुसार ३ प्रतिशत ब्याजदरमा २५ लाख रुपैयाँसम्मको कर्जा सरकारले दिने छ । यससँगै नेपालमा पहिलो पटक स्टार्टअपलाई सहुलियतपूर्ण ब्याजमा विना धितो कर्जा पाउने प्रक्रिया अगाडि बढेको हो  

स्टार्टअपले अधिकतम ७ वर्षसम्मका लागि ३ प्रतिशत ब्याजदरमा २५ लाख रुपैयाँसम्म विना धितो कर्जा पाउने छन् । सोही अनुसार विभागले परियोजना प्रस्ताव आह्वान गरेको हो । आजको २१ दिन भित्र उद्यमीहरुले आफ्नो प्रस्ताव कार्यविधिमा तोकिएको ढाँचामा उद्योग विभागमा पठाउनु पर्ने भएको छ ।

कार्यविधिमा तोकिएको क्षेत्रका नवीनतम ज्ञान, सोच, सीप र क्षमता भएकाहरुले यसमा आवेदन दिन सक्ने भएका छन् ।