बैंकिङ्ग समाचार, काठमाडौं ।
नेरूडे लघुवित्त वित्तीय संस्था लिमिटेडले गत आर्थिक वर्ष २०७८/७९ को लाभांश प्रस्ताव सार्वजनिक गरेको छ । कम्पनीको पुस ७ गते बसेको सञ्चालक समितिको बैठकले कुल २३ दशमलव १६ प्रतिशत लाभांश वितरणको प्रस्ताव गरेको हो । 

कम्पनीले गत आर्थिक वर्षको वितरणयोग्य मुनाफाबाट हाल कायम चुक्तापूँजी रू. ६० करोडको आधारमा २२ प्रतिशत बोनस शेयर र कर प्रयोजनका लागि १ दशमलव १६ प्रतिशत नगद लाभांश वितरणको प्रस्ताव गरेको हो । 

प्रस्तावित लाभांश नेपाल राष्ट्र बैंकको स्वीकृति पछि कम्पनीको आगामी वार्षिक साधारण सभाले पारित गरेपछि वितरण हुनेछ ।