बैंकिङ्ग समाचार, काठमाडौं ।
नयाँ र ग्राहक उपयोगी, सेवा र सुविधा प्रदान गर्दै आएको सनराइज बैंक Visa International बाट Excellence in Product Innovation 2022 अवार्डबाट सम्मानित भएको छ । 

काठमाडौंमा आयोजित एक कार्यक्रमबीच नेपाल राष्ट्र बैंकका डेपुटी गभर्नर डा. निलम डुंगानाको समुपस्थितिमा बैंकका नायब महाप्रबन्धक रविन कुमार नेपाललाई सो अवार्ड हस्तान्तरण गरिएको  थियो । 

बैंकले सहकारी सदस्यहरुलाई भिसा Network भित्र समावेश गरी डिजिटल भुक्तानी प्रणालीमा आबद्ध गरी नविनतम सेवा सुविधा प्रदान गरेकाले उक्त अवार्ड प्रदान गरिएको हो ।

नेपालमै पहिलो पटक मिस्डकल गरेर बत्तिको पैसा तिर्ने सुविधा समेत बैंकले दिदै आएको छ । यसका साथै समय साप्रेक्षरुपमा प्रविधि युक्त विभिन्न सेवा सुविधाहरु समेत दिदै आएको छ जस्मा Cardless withdrawal, tap & pay, आफ्नै फोटो राख्ने डेबिट कार्ड, मिस्डकल रिचार्ज, Online account opening आदि हुन् । हाल बैंकले आफ्ना ग्राहकहरूलाई ३ लाख  भन्दा बढी भिसा कार्डहरू जारी गरेको छ । 

बैंकले १३९ वटा शाखा, ९५ वटा शाखारहित बैंकिङ्ग सेवा, १३ वटा एक्सटेन्सन काउण्टर र १५९ वटा ए.टि.एम मार्फत आफ्ना ९ लाख भन्दा बढी ग्राहकहरुलाई सेवा प्रदान गर्दै आइरहेको छ ।