लमजुङको सोतीपसलमा ग्लोबल आइएमई बैंकको ५२औं एक्सटेन्सन काउन्टर सञ्चालन

बैंकिङ्ग समाचार, काठमाडौं ।
ग्लोबल आइएमई बैंकले लमजुङको मध्यनेपाल नगरपालिका ३, सोतीपसलमा नयाँ एक्सटेन्सन काउन्टर सञ्चालनमा ल्याएको छ । बैंकले सेवाग्राहीको बढ्दो चाप र विस्तारित बैंकिङ्ग सेवाको आवश्कतालाई मध्यनजर गर्दै भोर्लेटार शाखाको मातहतमा रहनेगरी उक्त स्थानमा ५२औं एक्सटेन्सन काउन्टर सञ्चालनमा ल्याएको हो ।

ग्लोबल आइएमई बैंकले हाल २८९ शाखा, २६५ एटीएम, २७५ शाखारहित बैंकिङ्ग सेवा, ५२ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालयबाट २९ लाखभन्दा बढि ग्राहकहरू माझ सेवा प्रदान गर्दै आइरहेको छ ।