बैंकिङ्ग समाचार, काठमाडौं ।
रिलायन्स लाइफ इन्स्योरेन्स कम्पनीले ठूलो संख्यामा कर्मचारीको माग गरेको छ । कम्पनीले एक सूचना प्रकाशित गर्दै विभिन्न पदमा कर्मचारी आवश्यक रहेको जनाएको हो । रिलायन्स लाइफ इन्स्योरेन्स कम्पनीले ६ वटा प्रदेशका लागि ब्रान्च म्यानेजर तथा ३ वटा प्रदेशका लागि भने म्यानेजर सहित केहि संख्यामा बजार प्रतिनिधको समेत माग गरेको छ ।

रिलायन्स लाइफले ६ वटा प्रदेशबाट १९ वटा ब्रान्चका लागि ब्रान्च म्यानेजर र तीनवटा प्रदेशको ६ वटा शाखा कार्यालयका लागि सेल्स एण्ड मार्केटिङ स्टाफ माग गरेको हो ।

कम्पनीले प्रदेश २ को बर्दिबास, लाहान, लालबन्दी तथा सिमराका लागि ब्रान्च म्यानेजरको माग गरेको छ । यसैगरी प्रदेश ३ का लागि चापागाउँ, किर्तिपुर, महाराजगञ्ज, फर्पिङ, सामाखुशी र सतुङ्गल शाखाको लागि पनि ब्रान्च म्यानेजरको माग गरेको छ । यसैगरी प्रदेश ४ मा १ जना प्रदेश ५ मा ३ जना, प्रदेश ६ मा ३ जना र प्रदेश ७ मा भने २ वटा शाखाको लागि ब्रान्च म्यानेजरको माग गरेको छ ।

ब्रान्च म्यानेजरको अलावा कम्पनीले प्रदेश ३, ५ र ७ मा गरी ६ जना बजार प्रतिनिधिको लागि विज्ञापन खुल्ला गरेको छ । इच्छुक एवम् योग्यता पुगेका व्यक्तिलाई आफ्नो लागि पायक पर्ने स्थानमा यहि साउन २२ गतेभित्र आवेदन पेश गर्न कम्पनीले अनुरोध गरेको छ । तथा इच्छुक योग्यता पुगेकाले साउन २२ गतेभित्र कम्पनीको इमेल [email protected] मार्फत पनि दरखास्त दिन सक्नेछन् ।