बैंकिङ्ग समाचार, काठमाडौं ।
नेशनल माइक्रोफाइनान्स लघुवित्त वित्तीय संस्था लिमिटेडले १२ हजार ७९७ कित्ता संस्थापक शेयर साउन ५ गतेदेखि विक्रीमा ल्याएको छ । बैंकले तीन जना सदस्यहरूको नाममा रहेको उक्त शेयर विद्यमान संस्थापक सदस्यहरूमा वितरण हुन नसकेपछि सर्वसाधारणले समेत खरीद गर्न सकिने गरी विक्रीमा ल्याएको हो ।  

यो शेयर खरीद गर्न इच्छुक लगानीकर्ताहरूले आगामी सातदिनभित्र निवेदन पेश गर्न कम्पनीले भनेको छ । निवेदन कम्पनीको केन्द्रीय कार्यालय धादिङ्गमा पेश गर्नुपर्नेछ । यस अघि कम्पनीले विद्यमान संस्थापकहरूले मात्र खरीद गर्न पाउने गरी जेठ १९ गते ३५ दिने सचुना जारी गरेको थियो ।