बैंकिङ्ग समाचार, काठमाडौं ।
बिहीवार आज नेप्सेमा दुई लघुवित्त कम्पनीको बोनस शेयर सूचीकृत भएको छ । 

आरम्भ चौतारी लघुवित्त वित्तीय संस्था र मिथिला लघुवित्त वित्तीय संस्थाको बोनस शेयर सूचीकृत भएको हो । 

आरम्भ चौतारी लघुवित्तको ६ लाख २ हजार २०२ दशमलव ६१ कित्ता बोनस शेयर र मिथिला लघुवित्तको ३ लाख ४० हजार ८७४ दशमलव ३५७५ कित्ता बोनस शेयर सूचीकृत भएको छ ।

अब यो शेयर हितग्राही खातामा आएपछि लगानीकर्ताले खरीदविक्री गर्न सक्नेछन् । मिथिला लघुवित्तले गत पुस २९ गते सम्पन्न वार्षिक साधारण सभाबाट पारित २५ प्रतिशत बोनस शेयर सूचीकृत गराएको हो ।

त्यसैगरी आरम्भ चौतारी लघुवित्तले चैत २७ गते सम्पन्न वार्षिक साधारण सभाबाट पारित १९ दशमलव ६२ प्रतिशत बोनस शेयर सूचीकृत गराएको हो । 

दुबै लघुवित्तकाे बोनस शेयर, शेयरधनीको डिम्याट खातामा आएपछि दोस्रो बजारमा किनबेच गर्न सकिनेछ ।