यी हुन् रोयल्टी नबुझाउने ६१ इन्टरनेट सेवाप्रदायक (सूचीसहित)

काठमाडौं – नेपाल दूरसञ्चार प्राधिकरणले रोयल्टी तथा ग्रामीण दूरसञ्चार विकास कोष रकम दाखिला नगर्ने ६१ इन्टरनेट सेवाप्रदायक कम्पनीको सूची सार्वजनिक गरेको छ । मंगलबार कम्पनीले सूचना निकाल्दै राेयल्टी नबुझाउने कम्पनीहरूकाे नाम सार्वजनिक गरेकाे हाे ।

कम्पनीहरूले गत आर्थिक वर्ष २०७९/८० को अडिटेड वित्तीय विवरण र सो विवरणअनुसार कुल आम्दानीको ४ प्रतिशतले हुने रोयल्टीबापतको रकम र २ प्रतिशतले ग्रामीण दूरसञ्चार विकास कोषबापतको रकम बुझाउनुपर्ने प्राधिकरणलाई बुझाउनुपर्ने हुन्छ । तर, अटेर गरी हालसम्म पनि रकम दाखिला नगरेको प्राधिकरणले जनाएको छ ।

प्राधिकरणले अनुमतिपत्रप्राप्त सेवा प्रदायक कम्पनीहरूले रोयल्टी र ग्रामीण दूरसञ्चार विकास कोष बापतको रकम गत पौष मसान्तभित्र बुझाउन यसअघि नै पत्राचार गरेकाे थियाे ।

मन्त्रालयमा दाखिला गरेको रोयल्टी रकमको भौचर र यस प्राधिकरणको खातामा दाखिला गरेको रकमको भौचर र अडीटेड वित्तिय विवरणसहित प्राधिकरणमा अनिवार्य रुपमा दर्ता गरी जानकारी गराउन समेत सूचना मार्फत् उल्लेख गरिएकाे छ ।

वितिय विवरण, RTDF  रकम तथा रोयल्टी नबुझाएको सेवा प्रदायकहरुको विवरण निम्नानुसार छः