बैंकिङ्ग समाचार, काठमाडौं ।
चालू आर्थिक बर्ष २०७८/७९ को पहिलो ५ महिनामा २७ वटा कमर्शियल बैंकहरुले २८ अर्ब २० करोड ५८ लाख रुपैयाँ खुद मुनाफा आर्जन गरेका छन्। जसमा  एनआईसी एसियाले सबै भन्दा बढी मुनाफा आर्जन गरेको छ भने सबैभन्दा कम सेन्चुरी कमर्शियल बैंकले आर्जन गरेको नेपाल राष्ट्र बैंकले सार्वजनिक गरेको तथ्यांकमा उल्लेख छ । 

एनआईसी एसियाले चालू आर्थिक बर्षको पहिलो ५ महिनामा २ अर्ब रुपैयाँ खुद मुनाफा आर्जन गरेको छ । जुन बैंकहरुमै सबैभन्दा बढी हो। त्यस्तै सबैभन्दा कम खुद मुनाफा आर्जन गरेको सेन्चुरी कमर्शियल बैंकले ४० करोड २५ लाख आर्जन गरेको छ ।

एनआईसी एसियालाई पछ्याएको ग्लोबल आइएमई बैंकले ५ महिनामा १ अर्ब ९६ करोड ८ लाख खुद मुनाफा आर्जन गरेको छ भने नबिलले १ अर्ब ८९ करोड ४२ लाख खुद नाफा आर्जन गरेको छ ।  

चालू आर्थिक बर्षको पहिलो ५ महिना अर्थात मङ्सिर मसान्तसम्म जम्मा ११ वटा कमर्शियल बैंकले अर्ब माथि खुद मुनाफा आर्जन गरेका छन् । यसरी अर्ब माथि खुद मुनाफा आर्जन गर्ने बैंकहरुमा एनआईसी एसिया, ग्लोबल आइएमई, नबिल, राष्ट्रिय बाणिज्य, प्राइम कमर्शियल, प्रभु, एनएमबि, सिद्दार्थ, नेपाल इन्भेष्टमेन्ट, मेगा र नेपाल बैंक रहेका छन् ।

पहिलो ५ महिनामा २७ कमर्शियल बैंकको खुद मुनाफाको सूची: