काठमाडौं– कामना सेवा विकास बैंकको गण्डकी प्रदेशद्वारा ग्लोबल मनी विक २०२४ का अवरसरमा वित्तीय साक्षरता कार्यक्रम सम्पन्न भएको छ । गैर सरकारी संघका प्रमुख तथा प्रतिनिधिहरुलाई लक्षित गरी बैंकले वित्तीय साक्षरता कार्यक्रम पोखरामा सम्पन्न गरेको हो ।

कार्यक्रमका प्रमुख अतिथि रहेका नेपाल राष्ट्र बैंक पोखरा शाखाका उप–निर्देशक सुदिप त्रिपाठीले ग्लोबल मनी विक २०२४ को उद्देश्य र वित्तीय साक्षरताको महत्वको बारेमा प्रकाश पारेका थिए । उक्त कार्यक्रममा अतिथिको रुपमा जिल्ला प्रहरी कार्यलयका डीएसपी श्रवन विकले साइबर सुरक्षा, अनलाईन ठगी र डिजिटल बैंकिङ्गको चुनौतीको बारेमा आफ्ना भनाइहरु राखे ।

सो क्रममा प्रदेश प्रमुख विष्णु प्रसाद गौतमले बचतको महत्व र कर्जाको सदुपयोगका बारेमा प्रकाश पारेका थिए । उतm कार्यक्रमको प्रस्तुतिकरण न्यूरोड शाखा प्रमुख शुशिल भट्टराईले गरेका थिए भने कार्यक्रम सञ्चालन सृजना चोक शाखा प्रमुख कृष्ण हरी सिग्देलले गरेका थिए ।

गैर सरकारी संघका प्रमुख तथा प्रतिनिधि गरी ५५ जनाको उपस्थिति रहेको वित्तीय साक्षरता कार्यक्रम कामना सेवा विकास बैंक, गण्डकी प्रदेशका प्रदेश प्रमुख विष्णु प्रसाद गौतमको सभापतित्वमा सम्पन्न भएको थियो । हाल बैंकले आफ्ना १३५ सञ्जालहरु तथा ७७ एटिएम तथा विभिन्न शाखा रहित सेवा केन्द्र मार्फत् आफ्नो अत्याधुनिक सेवा सुविधाहरु प्रदान गरि रहेको छ ।