काठमाडौैं– लक्ष्मी सनराइज बैंकले ग्लोबल मनी विकका अवसरमा वित्तीय साक्षरता कार्यक्रम सम्पन्न गरेको छ । बैंकले ग्लोबल मनी विकको ‘प्रोटेक्ट युअर मनी, सेक्योर युअर फ्युचर’ नाराका साथ काठमाडौं लैनचौरस्थित अमृत साइन्स क्याम्पसमा कार्यक्रम सम्पन्न गरेको हो ।

कार्यक्रममा विद्यार्थिहरुलाई वित्तीय ज्ञान, सीप र व्यवहारको बारेमा एक दिने प्रशिक्षण दिइएकोे थियो। बैंकका हेडफ रिकभरी एण्ड एसेट्स म्यानेजम्यान्टका दीपक पण्डित, हेडफ रिकभरीका रजित पौडेल, अधिकृतद्धय समिर मान सँगत र टेक विष्टले कार्यक्रममा वित्तीय साक्षरता सम्बन्धी विभिन्न विषयमा छलफल गराएका थिए। ।

विद्यार्थीहरुलाई बचत, बजेटिङ, कर्जा, डिजटिल बैंकिङ्ग, साइबर ठगी र वित्तीय फ्रडविरुद्ध प्रशिक्षण दिइएको हो । यस्तै पण्डितले लक्ष्मी सनराइज बैंक देशभर वित्तीय साक्षरता बढाउने प्रतिबद्धतामा अडिग रहेको बताएका छन् । उनले बैंकले सुलभ वित्तीय सेवा प्रदान गर्नुका साथै आर्थिक समावेशीकण र सशक्तिकरणमा जोड दिएको स्पष्ट पारे ।