काठमाडौं– सूर्योदय वोमी लघुवित्त वित्तीय संस्था लिमिटेड स्टेशन कार्यालय भरतपुर चितवनले बिहीबार ग्लोवल मनी विक २०२४ को सन्दर्भमा वित्तीय चेतना र्याली कार्यक्रम सम्पन्न गरेको छ ।

यसै सन्दर्भमा नेपाल राष्ट्र बैंकले बालबालिका तथा युवाहरुमा वित्तीय ज्ञान, सीप र मनोवृत्तिको विकास गर्ने उदेश्य लिएर ‘प्रोटेक्ट युअर मनी, सेक्योर युअर फ्युचर’ भन्ने नाराका साथ हरेक वर्ष यो श्रृंखला मनाउन लागेको हो ।

सोही सन्दर्भलाई निरन्तरता दिने क्रममा यस संस्थाको स्टेशन कार्यालयले यस क्षेत्रका ९ वटा शाखा कार्यालयका करिव ३२ जना कर्मचारीहरुको उपस्थितिमा उक्त कार्यक्रम सम्पन्न गरेको हो । कार्यक्रम संस्थाको स्टेशन कार्यालय भरतपुर देखि, पारस बसपार्क, मुनालचोक, कान्तिपुर मार्ग हुँदै पुनः कार्यालय परिसरमा आएर सम्पन्न भएको थियो ।