बैकिङ्ग समाचार ।

दुई अलग -अलग कम्पनीको साधारण सभा मंगलवार हुँदैछ । लाइफ इन्स्योरेन्स कर्पोरेशन नेपाल र निर्धन उत्थान लघुवित्त वित्तीय संस्थाको साधारण सभा हुन लागेको हो । 

लाइफ इन्स्योरेन्सले एलआईसी शिक्षालय नक्साल, काठमाडौंमा बिहान १०ः३० बजे साधारण सभा बोलाएको छ । सभाले आव २०७५/ ७६ को मुनाफाबाट १० प्रतिशत बोनस शेयर र शून्य दशमलव ५२ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ  ।

फागुन ६ गतेसम्म कायम शेयरधनीले कम्पनीको लाभांश पाउनेछन् । त्यसैगरी निर्धन उत्थान लघुवित्त वित्तीय संस्थाले आफनै केन्द्रीय कार्यालय नक्साल, काठमाडौंमा दिउँसो १ बजे गर्न लागेको हो ।

सभाले १३ प्रतिशत बोनस शेयर र शून्य दशमलव ६८ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ । उक्त कम्पनीको लाभांश फागुन १० गतेसम्म कायम शेयरधनीले पाउनेछन् ।