बैकिङ्ग समाचार ।

महालक्ष्मी लाईफ इन्स्योरेन्स लिमिटेडले तेस्रो बार्षिक साधारण सभा आह्वान गरेको छ । कम्पनीले साधारण सभामा साधारण शेयर (आईपीओ) निष्काशन गर्ने बारे छलफल गर्ने जनाएको हो । 

कम्पनीको माघ ७ गते बसेको संचालक समितिको बैठकले गरेको निर्णयानुसार कम्पनीको उक्त सभा फागुन ३ गते सोमबार होटल र्याडिसन, लाजिम्पाट, काठमाडौंमा बिहान ११ बजे साधारण सभा हुने भएको छ ।  सभामा संचालक समितिका तर्फबाट अध्यक्षबाट पेश हुने आर्थिक वर्ष २०७५/७६ को वार्षिक प्रतिवेदन पारित गरिनेछ ।

साधारण सभामा लेखा परीक्षकको प्रतिवेदन सहितको २०७६ साल आषाढ मसान्तको वासलात, सोहि अवधिको नगद प्रवाह स्वीकृत गरिनुका साथै लेखापरीक्षकको नियुक्ति गरी निजको पारिश्रमिक पनि तोकिने कम्पनीले जनाएको छ ।