बैकिङ्ग समाचार । 

नेपाल स्टक एक्सचेञ्ज (नेप्से) मा शुक्रबार एकैदिन एक दर्जन कम्पनीको शेयरमूल्य समायोजन भएको छ ।

गत आर्थिक वर्ष २०७६/७७ को नाफाबाट वितरण गर्न प्रस्ताव गरेको बोनस वितरण र साधारण सभा प्रयोजनका लागि बुकक्लोज गरेसँगै नेप्सेले बोनस समायोजन गरी नेप्सेले १२ कम्पनीको नयाँ मूल्य निर्धारण गरेको हो ।

हिमालयन डिष्टिलरी (HDL): को ५० प्रतिशत बोनस शेयरपछि मूल्य समायोजन भएको छ । बोनस समायोजन पछि कम्पनीको शेयर मूल्य ३ हजार ५२० रुपैयाँ कायम भएको छ । कम्पनीको बिहीबार ५ हजार २८० रुपैयाँमा अन्तिम कारोबार भएको थियो ।

विजय लघुवित्त (VLBS): को १९ प्रतिशत बोनस शेयरपछि मूल्य समायोजन भएको छ । बोनस समायोजनपछि कम्पनीको शेयरमूल्य १०६८ रुपैयाँ कायम भएको नेप्सेले जनाएको छ । लघुवित्तको बिहीबार १ हजार २७१ रुपैयाँमा अन्तिम कारोबार भएको थियो ।

मेरो माइक्रोफाइनान्स (MERO): को १६.९४ प्रतिशत बोनस शेयरपछि मूल्य समायोजन भएको छ । बोनस समायोजनपछि कम्पनीको शेयरमूल्य प्रतिकित्ता ८६८ रुपैयाँ तोकिएको छ । कम्पनीको बिहीबार अन्तिम कारोबार १ हजार १५ रुपैयाँमा अन्तिम कारोबार भएको थियो ।

लक्ष्मी लघुवित्त (LLBS): को १५ प्रतिशत बोनस शेयरपछि मूल्य समायोजन भएको छ । बोनस समायोजनपछि लघुवित्तको शेयरमूल्य १ हजार ३३५ रुपैयाँ कायम भएको छ । लघुवित्तको बिहीबार १ हजार ५३५ रुपैयाँमा अन्तिम कारोबार भएको थियो ।

नेप्सेले बुटवल पावर कम्पनी (BPCL): को १० प्रतिशत बोनस शेयरपछि मूल्य समायोजन भएको छ । बोनस समायोजनापछि नेप्सेले कम्पनीको शेयरमूल्य ४०५ रुपैयाँ तोकेको छ । कम्पनीको बिहीबार ४४५ रुपैयाँमा अन्तिम कारोबार भएको थियो

मेगा बैंक नेपाल (MEGA): को १० प्रतिशत बोनस शेयरपछि मूल्य समायोजन भएको छ । बैंकको बोनस समायोजनपछि प्रतिकित्ता २५० रुपैयाँ मूल्य तोकिएको । बिहीबार बैंकको २७५ रुपैयाँमा अन्तिम पटक कारोबार भएको थियो ।

लक्ष्मी बैंक (LBL): को ९ प्रतिशत बोनस शेयरमा मूल्य समायोजन भएको छ । बोनस समायोजनपछि बैंकको शेयरमूल्य २६२ रुपैयाँ तोकिएको छ । पुस १६ गते बिहीबार बैंकको २८६ रुपैयाँमा अन्तिम पटक कारोबार भएको थियो ।

शुक्रबारै गुडविल फाइनान्स (GFCL): को ८.४० प्रतिशत बोनस पश्चात मूल्य समायोजन भएको छ । मूल्य समायोजनपछि कम्पनीको शेयर मूल्य १९६ रुपैयाँ कायम भएको छ । बिहीबार कम्पनीको २१३ रुपैयाँमा अन्तिम कारोबार भएको थियो ।

प्राइम लाइफ इन्स्यारेन्स (PLIC): को ७ प्रतिशत बोनस शेयरपछि मूल्य समायोजन भएको छ । बोनस समायोजनपछि इन्स्यारेन्सको शेयर मूल्य प्रतिकित्ता ७६६ रुपैयाँ कायम भएको छ । इन्स्योरेन्सको बिहीबार ८२० रुपैयाँमा अन्तिम कारोबार भएको थियो ।

सूर्या लाइफ इन्स्यारेन्स (SLICL): को ५ प्रतिशत बोनस शेयरपछि मूल्य समायोजन भएको छ । बोनस शेयर समायोजनपछि कम्पनीको शेयरमूल्य ६७४ रुपैयाँ कायम भएको छ । इन्स्योरेन्सको बिहीबार ७०८ रुपैयाँमा अन्तिम कारोबार भएको थियो ।

पोखरा फाइनान्स (PFL): को ५ प्रतिशत बोनस शेयर पछि मूल्य समायोजन भएको छ । बोनस समायोजनपछि फाइनान्सको शेयर मूल्य १६७ रुपैयाँ कायम भएको छ । फाइनान्सको बिहीबार १७५ रुपैयाँमा अन्तिम कारोबार भएको थियो ।

छ्याङ्दी हाईड्रोपावर (CHL): को ५ प्रतिशत बोनस शेयर पछि मूल्य समायोजन भएको हो । बोनस समायोजनपछि कम्पनीको शेयरमूल्य १५५ रुपैयाँ कायम भएको छ । कम्पनीको बिहीबार१६३ रुपैयाँमा अन्तिम पटक कारोबार भएको थियो ।

शुक्रबार शेयरमूल्य समायोजन भएका १२ वटै कम्पनीको शेयर आइतबार शुक्रबार समायोजन भएको शेयमूल्यलाई आधार मानेर पहिलो कारोबार खुल्नेछ । नेप्सेमा नियमित कारोबार समयमा २ प्रतिशत तलमाथि र प्रि ओपनिङ्ग सेसनमा भने ५ प्रतिशत तलमाथि मूल्यमा कारोबार हुनसक्ने व्यवस्था छ ।