बैंकिङ्ग समाचार, काठमाडौं ।

कलश स्टक मार्केट प्रा.लि. (ब्रोकर नं ७४) र ईसेवाबिच शेयर कारोबार भुक्तानी ईसेवाबाटै गर्न सकिने गरी सम्झौता भएको छ । यस अनलाईन भुक्तानी सम्बन्धी सम्झौतापत्रमा कलश स्टक मार्केट प्रा.लि.का कार्यकारी अध्यक्ष शालिकराम अधिकारी र ईसेवाका प्रवन्धक हेम घिमिरेले हस्ताक्षर गरी सो सेवा प्रारम्भ भएको घोषणा गरिएको छ । 

आफ्ना ग्राहकलाई प्रविधिमा आधारित नविनतम सेवा सुविधा दिन प्रतिवद्ध कलश स्टक मार्केट र नेपालकै पहिलो र अग्रणी भुक्तानी सेवा प्रदायक ईसेवाबिच भएको यस सम्झौताले शेयर लगानीकर्ताहरुलाई कलश स्टक मार्केटबाट गरेको शेयर कारोवारको सेटलमेन्ट गर्न थप सहज हुने भएको छ ।

बैंक तथा वित्तीय क्षेत्र तथा समाजका विभिन्न पेशा ब्यवसायमा सफलता हासिल गरेका लब्ध प्रतिष्ठित एवं अनुभवी व्यक्तिहरुको अगुवाईमा स्थापना भै नेपाल धितोपत्र बोर्डबाट धितोपत्र दलाल सेवा प्रदान गर्न अनुमति प्राप्त गरी हालैमात्र बुद्घनगर, काठमाण्डौ स्थित मुख्य कार्यालयबाट सेवा शुभारम्भ गरेको कलश स्टक मार्केटले आफ्ना ग्राहकहरुलाई विभिन्न अत्याधुनिक सुविधाका साथ ग्राहक मैत्री सेवा दिने प्रतिवद्धता जनाएको छ । 

विश्वसनीय अनलाईन सेवाका लागि ख्याती आर्जन गर्न सफल इसेवाको सेवा एण्ड्रोइड तथा आइओएस मोबाइल मार्फत करिब ७५ लाख ग्राहकले सेवा लिइरहेका छन् । यसैभरी देशभर रहेका दुईलाख भन्दा बढि एजेन्ट मार्फत अप्रत्यक्ष रुपमा डेढ करोड भन्दा बढि जनसंख्याले सेवा लिइरहेका छन् ।