बैंकिङ्ग समाचार, काठमाडौं ।
पछिल्लो दुई दिन उच्च अंकले वृद्धि भएको नेपाल स्टक एक्सचेञ्ज (नेप्से) साताको कारोबारको अन्तिम दिन बिहीवार भने उच्च अंकले घटेको छ । आज नेप्से ३१.५२ अंकले घटेर २ हजार १३ दशमलब ९३ विन्दुमा बन्द भएको हो । बुधवार नेप्से २९.४७ अंकले बढेर २ हजार ४५ दशमलब ४५ विन्दुमा बन्द भएको थियो ।

त्यस्तै, आज नेप्सेमा उच्च अंकको गिरावट भएपनि कारोबार रकम भने डेढ अर्बमा स्थिर रहेको छ । आज नेप्सेमा १ अर्ब ५५ करोड ५ लाख रुपैयाँ बराबरको कारोबार भएको छ । बुधवार १ अर्ब ५१ करोड ४ लाख रुपैयाँ बराबरको कारोबार भएको थियो ।

आज नेप्सेमा कारोबार भएका १७ कम्पनीको शेयरमूल्य बढेको छ भने २०६ कम्पनीको शेयरमूल्य घटेको छ, ४ कम्पनीको शेयरमूल्य स्थिर रहेको छ ।

आज नेप्सेमा एक कम्पनीको शेयरमुल्यमा सर्वाधिक वृद्धि भएको छ । कुथेली बुखारी स्मल हाइड्रोपावरको शेयरमुल्य सर्किट लेभलमा वृद्धि भएको छ । 

आज मैलुङ्ग हाइड्रोपावर र समता घरेलु लघुवित्तका लगानीकर्ताहरुले सर्वाधिक गुमाएका छन् । यि कम्पनीको शेयरमूल्य ८ प्रतिशत भन्दा बढिले घटेको छ ।

नेप्सेका अनुसार कारोबारको आधारमा आज सबैभन्दा बढी सोल्टी होटलको भएको छ । यस कम्पनीको आज ७ करोड ८७ लाख रुपैयाँ भन्दा बढीको कारोबार भएको छ ।